Ludificando máis alá das aulas. 25nov: #troleandoaomachismo

Seguindo cunha das liñas do noso proxecto Erasmus+ e poñendo en práctica as aprendizaxes dos cursos nas mobilidades, propoñemos un CONCURSO DE MEMES desde a Biblioteca do noso IES e coa colaboración do DACE (Departamento de Actividades Complementarias e Escolares).

Como data sinalada que non podemos deixar pasar por alto, o 25 de novembro conmemoramos o DÍA INTERNACIONAL CONTRA A VIOLENCIA MACHISTA pero queremos facelo a través da "ironía" e o humor.

E por que a ironía? Porque é un xeito interesante de de denunciar, criticar ou censurar algo, pero sen expresalo de maneira explícita ou directa, senón dándoo a entender ou facéndoo de xeito divertido.

Por iso queremos que a nosa Comunidade Educativa pense no machismo que nos cingue: o patriarcado, os micromachismos, a desigualdade de xénero... para darlle un tirón de orellas a través dun meme.

Aquí tendes toda a información.

Ides quedarvos sen participar?